अनलाइन ट्राभल एग्रिगेटर (ओटीए) प्लेटफर्म एक्सलट्रिप नेपालले क्रिसमस तथा नयाँ वर्ष २०२१ लाई लक्षित गरी ३ वटा नयाँ योजना ल्याएको छ ।
पहिलो अफर योजना अन्तर्गत एक्सलट्रिप नेपालको मोबाइल एप डाउनलोड गर्ने ग्राहकमध्येबाट एक जना भाग्यशाली विजेतालाई १५ हजार रुपैयाँ बराबरको पोखरा वा चितवनको दुईतर्फी हवाइ टिकटसहित २ रात ३ दिनको ट्राभल प्याकेज पुरस्कार प्रदान गरिने कम्पनीका सिइओ ज्ञानेन्द्र खड्काले बताए।
अर्को योजना क्रिसमस तथा अंग्रेजी नयाँ वर्ष अफर अन्तर्गत एक्सलट्रिप नेपालबाट होटल वा फ्लाइट बुक गर्दा हरेक बुकिङमा भौचर कोड (DECEMBEROFFER) प्रयोग गरी २ सय ५० नगद छुट प्राप्त गर्न सकिनेछ साथै सो अवधि भरी होटल वा फ्लाइट बुकिङ गर्ने ग्राहकमध्येबाट एक जना भाग्यशाली विजेताले सामसङ एम जिरो फिप्टिन मोबाइल सेट पनि प्रप्त गर्न सक्ने कम्पनीले जनाएको छ।
एक्सलट्रिपको वेबसाइट (xceltrip.com.np) वा मोबाइल एपमार्फत् शून्य रुपैयाँ डाउन पेमेन्टमा नै काठमाडौं-पोखरा एकतर्फी हवाई टिकट र एक रातको होटल बुक गर्ने व्यवस्था छ।
ती बुकिङ गर्ने ग्राहकमध्येबाट हरेक हप्ता लक्की ड्रमार्फत् एक जनालाई उक्त प्याकेज नि:शुल्क प्रदान गरिने बताइएको छ। यो तीनै अफर योजना डिसेम्बर महिनाभर लागू हुने बताइएको छ।
एक्सलट्रिपको मोबाइल एप र अफिसियल वेबसाइटबाट नेपालको ५ वटै डोमेस्टिक एयरलाइन्स र ८ सयभन्दा बढी होटल र संसारभर २३ लाखभन्दा बढी होटल र ४ सय ५० वटा एयरलाइन्सबाट २ सयभन्दा बढी डेस्टिनेसनमा नेपालकै सम्पूर्ण डिजिटल पेमेन्ट प्रभु पे, ईसेवा, फोन पेलगायत बैंकहरूको मोबाइल बैंकिङ एप र सम्पूर्ण बैंक कार्ड प्रयोग गरी बुक गर्न सकिने छ।