कैलालीका १३ वटा स्थानीय तहमा चार पार्टी मुख्य प्रतिस्पर्धामा देखिएका छन्। कांग्रेसले सबैभन्दा बढी चार वटा तहमा अग्रता लिएको छ। कांग्रेसले धनगढी उपमहानगरपालिकासहित लम्कीचुहा नगरपालिका,जानकी गाउँपालिका र जोशीपुर गाउँपालिकामा अग्रता लिएको हो।
एमाले र माओवादी केन्द्रले तीन–तीन ठाउँमा अग्रता लिएका छन्। एमालेले गौरीगंगा नगरपालिका, बर्दगोरिया गाउँपालिका र चुरे गाउँपालिकामा एमालेको अग्रता रहेको छ।
नेकपा माओवादी केन्द्रले गोदावरी नगरपालिका, घोडाघोडी नगरपालिका र कैलारी गाउँपालिकामा अग्रता लिएको छ।
नेपाल लोकतान्त्रिक फोरमले टिकापुर र भजनी नगरपालिकामा अग्रता लिएको छ। मोहन्याल गाउपालिकामा भने मतगणना सुरू भएको छैन।
