मतगनणाको सुरुदेखि एक पटक पनि अग्रता नलिएको एमालेले मतगणनाको अन्तिम चरणमा टिकापुर जित्न सफल भएको छ। एमालेका तपेन्द्र रावलले ५ हजार ९ सय ५९ मतले विजयी भएका हुन ।उनका निकटतम् प्रतिद्धन्दी नेकपा माओवादी केन्द्रका ललित थापा शिवले ५ हजार ६ सय १० मत ल्याएका छन् ।
उपमेयरमा भने कांग्रेसकी केशरी विष्ट रावल निर्वाचित भएकी छन्। उनले ६ हजार २ सय २६ मत ल्याएकी छन् । उनकी निकटतम् प्रतिद्धन्दी माओवादी केन्द्रकी आशाकुमारी चौधरीले ५ हजार ५ सय ५३ मत ल्याएकी छन् ।
मतगनणाका ६ दिनमा झण्डै ४ दिन नेपाल लोकतान्त्रीक फोरमले अग्रता लिएको थियो । त्यसपछिका दिनमा माओवादी केन्द्रले अग्रता लिएपनि अन्तिम समयमा आएर नेकपा एमाले मतपरिणाम उल्टाउन सफल भएको हो ।
टीकापुर कैलालीको क्षेत्रनम्बर १ पर्छ। यो क्षेत्रबाट २०७० सालको संविधान सभा निर्वाचनमा फोरमका जनकाराज चौधरी विजयी भएका थिए। त्यतिबेला कांग्रेस दोस्रो भएको थियो भने एमाले तेस्रोस्थानमा थियो।
