मोरङको जहदा गाउँपालिकाको प्रमुख र उपप्रमुखमा संघीय समाजवादी फोरम नेपालका उम्मेदबार विजयी भएका छन् । दुई प्रमुख पदसहित जहदाको पाँच वटा वडा अध्यक्षको सिङ्गो प्यानल फोरम नेपालका प्रत्यासी जीतेका छन्।
नेपाली कांग्रेसका प्रतिद्धन्द्धी उम्मेदबार जितेन्द्र कुमार साहलाई भारी अन्तरले पराजित गर्दै जहदा गाउँपालिकाको प्रमुखमा बुधबार दिउँसो फोरम नेपालका कैलाश मण्डल र उप्रमुखमा सालोदेवी साह भारी मतले विजय भएका हुन्।
जहदाको वडा नं १ को अध्यक्षमा प्रदिपचन्द्र यादव, वडा नं. ३ को अध्यक्षमा अनिल कुमार ठाकुर, वडा नं. ४ को अध्यक्षमा जयनाथ गिरी, वडा नं ५ को अध्यक्षमा जगदिश प्रसाद सिंह (नुनिया) र वडा नं. ७ को अध्यक्षमा भगवान बेसरा (सन्थाल) को पूरै प्यालन विजयी भएको छ ।
मोरङको जहदा गाउँपालिकामा विजयी भएसँगै संघीय समाजवादी फोरम नेपालले तीन वटा प्रदेशमा कुल ७ वटा गाउँपालिकामा विजय हासिल गरेको छ।
