नेपाल प्रहरीको महानिरीक्षक नियुक्तिमा आफूलाई अन्याय भएको भन्दै डिआइजी नवराज सिलवालले दायर गरेको मुद्दामा सर्वोच्च अदालत आज पूर्ण बृहत इजलासमा सुनुवाइ सुरु गरेको छ।
कायममुकायम प्रधानन्यायाधीश गोपाल पराजुलीसहित न्यायाधीशहरू ओमप्रकाश मिश्र, केदारप्रसाद चालिसे, शारदाप्रसाद घिमिरे, मिरा खड्का, प्रकाशमान सिंह राउत, पुरुषोत्तम भण्डारीको पुर्ण इजलासमा अहिले सुनुवाइ भइरहेको छ।
गत फागुनमा सरकारले बरीयतामा अगाडि रहेका सिलवाललाई छोडर पछि रहेका डिआइजी जयबहादुर चन्दलाई प्रहरी प्रमुखमा नियुक्त गर्ने निर्ण गरेको थियो। सो निर्णयलाई सर्वोच्चले लागु नगर्न आदेश दिएको थियो। सर्वोच्चको आदेशपछि सरकारले अर्का डिआइजी प्रकाश अर्याललाई आइजिपी बनाउने निर्णय गरेको थियो।
डिआइजीले सिलवालले कार्यसम्पादन र मूल्यांकनका आधारमा आफू अर्यालभन्दा पनि अगाडि रहेको भन्दै फेरि सर्वोच्चमा रिट हालेका थिए। यसअघि पटक पटक सर्दै आएको मुद्धामा आज बृहत पूर्ण इजलासमा सुनुवाइ भएको हो।