झापाको शिव सताक्षी नगरपालिकामा नेकपा एमालेले फराकिलो विजय हासिल गर्ने भएको छ। अब १५८ मत गणना बाँकी रहेको अवस्थामा नेकपा एमालेका मेयर उम्मेद्वार चन्द्रकुमार शेर्माले १४ हजार ६ सय ८४ मत ल्याएर जित नजिक पुगेका छन्। उनका निकटतम् प्रतिद्वद्वी नेपाली कांग्रेसका पर्शुराम ढुंगानाले ९८५६ मत ल्याएका छन्। बाँकी रहेको १५८ मत सबै कांग्रेस उम्मेद्वारले पाए पनि नेकपा एमालेका उम्मेद्वार सहजै जित्ने भएक छन्।
यस्तै उपमेयरमा नेकपा एमालेकै भोजकुमारी नेपाल विजयी निश्चित भएकी छन्। उनले सर्वाधिक १४ हजार ९ सय ६० मत पाएकी छन् भने उनकी निकटतम् प्रतिद्वन्द्वी नेपाली कांग्रेसकी जयकुमारी चेम्जोङले ९ हजार ३ सय २४ मत ल्याएकी छन्।
यस्तै तेस्रो स्थानमा रहेको माओवादी केन्द्रका मेयर उम्म्द्वार महेन्द्र भट्टराईले ३४२१ मत ल्याएका छन् भने उपमेयरमा कचाली ताजपुरियाले ४०४६ मत ल्याएकी छन्।
अब केही बेरमा औपचारिक घोषणा हुने निर्वाचन प्रमुख पंकज भुर्तेतले बताए।