विराटनगर महानगरपालिकाको मेयरमा नेकपा एमालेका उम्मेद्वारलाई फोरम लोकतान्त्रिकका उमेश यादवले तेस्रो स्थानमा धकेलिदिएका छन्।
शुक्रबार बिहान सार्वजनिक भएको पछिल्लो मत परिणाम अनुसार मेयरमा कांग्रेसका भीम पराजुलीको अग्रता कायमै रहेको बेला संघीय समाजवादी फोरम नेपालका उमेश यादवले नेकपा एमालेका विनोद ढकाललाई उछिनेका हुन्। यसअघि लगातार दोस्रोमा रहँदै आएका ढकाल वडा नम्बर १५ को गणनापछि उमेशसँग पछि परेका हुन्।
विराटनगर महनगरको पछिल्लो मत परिणाम अनुसार कांग्रेसका भीम पराजुलीले १५ हजार २ सय ६० मत सहित अगाडि रहँदा माओवादी केन्द्रसँग गठबन्धन गरेका संघीय समाजवादी फोरमका उमेश यादवले १३ हजार ७ सय ९३ मत ल्याएक छन्। तेस्रो स्थानमा पुगेका एमालेका विनोद ढकालले ११ हजार ३ सय ६३ मत पाएका छन्।
