पोखरा लेखनाथ महानगरपालिका १९ काफ्ले थरको बगैचामा पहिरो जादाँ दुई घर जोखिममा परेका छन्। वर्षा पछि आइतबार राति गएको पहिरोका कारण दुई घर जोखिममा परेका हुन्।
आइतबार राति करिब १ बजे तिर पहिरो गएको कमल काफ्लेले जानकारी दिए। बगैचाबाट आएको पहिरोका कारण आफ्नोसहित अन्यको घर पनि जोखिममा परेको बताए। उनले पहिरोका कारण गोठ भत्काएको र घरमा पनि केही क्षति पुगेको सेतोपाटीलाई जानकारी दिए।
उनले आजको पहिरोले दुई घर पुरे पनि अन्य घर पहिरोको जोखिममा परेको बताए। राति नै प्रहरी गएर जोखिममा परेकालाई सहयोग गरेको छ।
