सत्तारूढ नेकपाका प्रमुख सचेतक देव गुरुङले नेपाली सेनाले अमेरिकासहित ६ वटा मुलुकसँग गरिरहेको विपद् व्यवस्थापनसम्बन्धी संयुक्त सैन्य अभ्यास रोक्न माग गरेका छन्।
प्रतिनिधि सभाको बैठकमा गुरुङले जेठ ५ गतेदेखि पोखरामा जारी तालिम रोक्न रक्षा र परराष्ट्र मन्त्रालयको ध्यानाकर्षण गराएका हुन्।
'अमेरिकी सेना र नेपाली सेनाका साथै ६ वटा मुलुकको २ सय २० सेनाले विपद् व्यवस्थापनको नाममा संयुक्त सैन्य अभ्यासको सुरूआत भएको छ', गुरुङले भने, 'नेपालको राष्ट्रियताको संकट परिराखेको अवस्थामा, शक्तिराष्ट्रको टकराव परिराखेको अवस्थामा यसप्रकारको सैन्य अभ्यासले नेपालको राष्ट्रिय अस्मितालाई कहाँ पुर्याउँछ?'
गुरुङले तालिमको विषयमा संसदमा समेत ध्यानाकर्षण गराए।
'यस विषयमा सदनको ध्यानाकर्षण गराउनुको साथै परराष्ट्र र रक्षा मन्त्रालयको ध्यानाकर्षण गराउन चाहन्छु' गुरुङले भने।