न्यायपरिषदले मुलुकभरका उच्च र जिल्ला अदालतका धेरैजसो न्यायाधीशको सरूवा गरेको छ।
बिहीबार बसेको न्यायपरिषद् बैठकले उच्चका ७८ र जिल्ला अदालतका १ सय ५६ न्यायाधीश सरूवा गर्ने निर्णय गरेको प्रवक्ता मानबहादुर कार्कीले बताए।
त्यस्तै, परिषद् बैठकले भ्रष्टाचारका मुद्दा हेर्ने विशेष अदालतको अहिलेको टिमलाई सरूवा गरी नयाँ टिम ल्याएको छ।
६ जना न्यायाधीश हुने विशेषमा फागुनदेखि ३ न्यायाधीशमात्र थिए। बिहीबारको बैठकले भने विशेषका अध्यक्षमा शिवराज अधिकारी र सदस्यमा कृष्ण गिरी, वालेन्द्र रूपाखेती, शान्ति सिंह थापा, चन्द्रबहादुर सारू, रवि शर्मा अर्याललाई तोकेको छ।