अज्ञात समूहले शनिबार राती दुई गाउँपालिका अध्यक्षको गाडीमा आगजनी गरेका छन्।
अज्ञात समूहले कपिलवस्तुको मायादेवी गाउँपालिका प्रमूख बजरंगी चौधरी र दाङको गलाचुली गाउँपालिकाका अध्यक्ष भक्तबहादुर वलीको गाडीमाथि आगजनी गरका हुन्।
जिल्ला प्रहरी कार्यलय कपिलवस्तु लु. १ झ ४०० नं. को सरकारी गाडीमा आगजनी गरिएको जनाएको छ ।
सदरमुकाम तौलिहवा स्थित उनको भाडामा लिइएको निवास परिसरमा पार्किङ गरेर राखेको गाडीमा राती करिब साढे १० बजेतिर अज्ञात समुहले आगजनी गरेको प्रहरीले जनाएको छ ।
उक्त गाडीमा कसले र किन आगजनी गर्यो थाहा हुन नसकेको र घटनाको अनुसन्धान शुरु गरिएको प्रहरीले जनाएको छ ।
गाडीमा आगजनी भएपछि कपिलवस्तु नगरपालिकाबाट गएको दमकलले आगो निभाएको थियो । आगजनीबाट गाडी जलेर पूर्ण रुपमा नष्ट भएको प्रहरीले जनाएको छ ।
त्यस्तै आगलागी बाट गलाचुली गाउँपालिकाका अध्यक्ष भक्तबहादुर वलीले चढ्ने गरेको रा १ झ १५२ नम्वरको बोलेरो गाडी पूर्ण रुपमा जलेर नष्ट भएको जिल्ला प्रहरी प्रमुख एसपी बेलबहादुर पाण्डेले जानकारी दिए ।
उनले आफुलाई रातको १२: ५५ बजे गाउँपालिकाको अध्यक्षको गाडीमा आगजनी भएको खवर आएको र त्यस लगतै स्थानीय प्रहरीलाई आगो निभाउन पठाएको एसपी पाण्डेले बताए ।
‘म अहिले घोराहीवाट घटनास्थल तर्फ जाँदै छु । त्यहाँ पुगेर अनुसन्धान गरेपछि मात्रै कसले गरेको हो? भन्न सजिलो होला,’ एसपी पाण्डेले भने ।
रोल्पा जिल्लासँग सीमाना जोडिएको बंगलाचुली दाङको विकट पहाडी क्षेत्र हो । बंगलाचुलीका अध्यक्ष वली पूर्व माओवादीवाट निर्वाचित व्यक्ति हुन ।
दुबै आगजनीमा नेत्र विक्रम चन्द 'विपल्व' नेतृत्वको नेपाल कम्युनिस्ट पार्टी(नेकपा)ले आगजनी गरेको प्रारम्भिक आंशका गरिएको छ।
