प्रधानमन्त्री केपी शर्मा ओलीले आज प्रतिनिधिसभाको बैठकलाई सम्बोधन गर्ने भएका छन्।
प्रधानमन्त्री ओलीले बिहान ११ बजे संसदको बैठकलाई संबोधन गर्ने कार्यक्रम तय भएको प्रधानमन्त्रीका प्रेस सल्लाहकार कुन्दन अर्यालले जानकारी दिए।
गत साता सिंगापुरमा उपचार गरेर फर्किएपछि प्रधानमन्त्री ओलीले आज पहिलो पटक संसदमा सम्बोधन गर्न लागेका हुन्।
प्रधानमन्त्री तथा मन्त्रीपरिषद्को कार्यालयका बारेमा उठेका प्रश्नहरु, समसामयिक राजनीतिक परिस्थिति, सिंगापुर भ्रमणलगायत विषयमा प्रधानमन्त्रीले संसदलाई जानकारी गराउनेछन्।