आफ्नै अभियान ‘हाम्रो नेपाल, हामी नेपाली’ उद्घाटन कार्यक्रममा नेपाल प्रहरीका पूर्वडिआइजी रमेश खरेल सहभागी नहुने भएका छन्।
बिहीबार फेसबुकमा स्टाटस लेख्दै उनले आफ्नो नियन्त्रण बाहिरको अवस्थाका कारण आफैले भनेको अभियानको उद्घाटन कार्यक्रममा उपस्थित हुन नसक्ने जानकारी दिएका हुन्।
उनीसहित अभियान्ता देवेन्द्र सिटौला र राजकुमार यादव पनि कार्यक्रममा सहभागी हुन नसने बताउँदै असुविधाका लागि माफी मागेका छन्।
खरेलले उक्त अभियानको औपचारिक घोषणा आज दिउँसो क्रिस्टल पार्टी भेन्यु बिजुलीबजारमा गरिने बताएका थिए।
‘देशमा भएका विकृति, बिसंगति, भ्रष्टाचार, कुशासनको विरोध गर्न र जनतालाई सचेत बनाउन अभियान सुरू गर्न लागेका हौं,’ खरेलले सेतोपाटीसँग भने, ‘नेपालभित्रका अरू साथीहरू पनि हुनुहुन्छ। विदेशमा रहेका नेपालीहरूको पनि साथ छ।’