जनता समाजवादी पार्टीका अध्यक्ष उपेन्द्र यादवले लुम्बिनी प्रदेश सरकारमा पार्टीका सांसदहरु सहभागी हुनु अनैतिक काम भएको बताएका छन्।
सेतोपाटीसँग संक्षिप्त कुराकानी गर्दै जसपा अध्यक्ष यादवले अत्यन्त गैर जिम्मेवारी र फोहोरी राजनीति भएको समेत बताए।
‘आफैले अविश्वासको प्रस्तावमा हस्ताक्षर गरेको छ, अनि त्यसकै दुई घण्टामै मन्त्री बन्नुभन्दा अनैतिक काम केही हुन सक्दैन’ उनले भने, ‘यसबारेमा हामी पार्टीमा छलफल गर्छौँ। कसैले उक्साएको हो कि भनेर छानविन समेत गर्छौँ।’
लुम्बिनी प्रदेशका मुख्यमन्त्री शंकर पोखरेलको विरुद्धमा अविश्वासको प्रस्तावमा हस्ताक्षर गरेका जसपाका तीन जना सांसदहरुले आजै मन्त्रीको सपथ लिएका छन्।