राष्ट्रिय सभाका सासंद खिमलाल देवकोटाले नेकपा एमालेले १४ जना सांसदलाई कारबाही गर्न नमिल्ने बताएका छन्।
उनले शुक्रबार फेसबुकमा धारणा राख्दै एमालेले सासंदलाई कारबाही गर्न नमिल्ने बताएका हुन्। कारबाही गर्ने भएमा त्यसको समयसीमा र विधि हुने उनले बताए।
विभिन्न राजनीतिक घटनाक्रम पछि अहिले फेरि ७६ (२) मा सहयोग नगरेका आधारमा कारबाही गर्न मिल्छ भन्ने उनले प्रश्न गरेका छन्।
सभामुख अग्निप्रसाद सापकोटाले पनि तथ्य र प्रमाणविना प्रतिशोध साध्नका लागि लेखिएको चिठीका आधारमा सांसदहरुलाई कारबाही गर्न नमिल्ने उनको भनाइ छ।
'सभामुख संसदको सर्वोच्चता जगेर्नाको पहरेदारमात्र होइन। आफ्ना सांसदहरुको अभिभावक पनि हुन्, 'देवकोटाले लेखेका छन्, 'तथ्य र प्रमाणविना प्रतिशोध साँध्नका लागि लेखिएको चिठीका आधारमा सभामुखले सांसदहरुलाई कारबाही गर्न मिल्दैन/पाउनु हुन्न। कारबाही नै गर्ने हो भने पनि यसको विधि होला। समयसीमा होला। चिठी लेख्नेवित्तिकै किन कारबाही गरिनस्/सूचना टाँसिनस् भनेर सभामुखमाथि हुलहुज्जत गर्न मिल्छ?'
