केही समयअघि नेकपा (एमाले) छोडेका राष्ट्रिय सभा सांसद वामदेव गौतमले नयाँ पार्टी खोलेका छन्।
उनले आज अपरान्ह काठमाडौंमा पत्रकार सम्मेलन गरी ‘नेकपा एकता राष्ट्रिय अभियान पार्टी’ नामको नयाँ पार्टी गठन गरेका हुन्।
गौतमको पार्टीमा १५ जना स्थायी कमिटी सदस्य हुनेछन्।
यस्तै कार्यसमितिमा बहुपदीय प्रणालीअनुसार अध्यक्षसहित १२ जना रहनेछन्।
अध्यक्ष, ७ उपाध्यक्ष, एक महासचिव, १ उपमहासचिव, १ कोषाध्यक्ष र एक सचिव रहनेछन्।
यसअघि गौतमले नेपाल कम्युनिष्ट पार्टी (राष्ट्रिय एकता अभियान) नामको पार्टी खोलेका हुन्।
सर्वोच्च अदालतले नेकपा विघटन गरेर एकता गरेका दुई दललाई पुरानै स्वरूपमा फर्काइदिएपछि उनी तटस्थ रहँदै आएका थिए।
गत प्रतिनिधि सभा चुनावमा बर्दियाबाट पराजित गौतमलाई तत्कालीन नेकपा सरकारले राष्ट्रिय सभा सदस्यमा सिफारिस गरेको थियो।
उनले गठन गरेको नेकपा एकता केन्द्रीय समन्वय समितिमा ७५ जना केन्द्रीय सदस्य राखेका छन्। जनले पत्नी तुलसा थापा गौतम र छोरा हरिषदेव गौतमलाई समेटेर केन्द्रीय सदस्यको सूची तयार पारेका हुन्। यो संख्या बढ्दै जाने उनले बताए।
