नेपाली कांग्रेसका सभापति शेरबहादुर देउवा कीर्तिपुर अस्पताल पुगेका छन्।
ग्यास सिलिण्डर बिस्फोटबाट गम्भीर घाइते भएका सांसद चन्द्रकान्त भण्डारीको स्वास्थ्य अवस्था बुझ्न सभापति देउवासहित उपसभापतिद्वय पूर्णबहादुर खड्का, धनराज गुरूङलगायत नेता कीर्तिपुर अस्पताल पुगेका हुन्।
यसअघि कांग्रेस महामन्त्रीद्वय गगन थापा र विश्वप्रकाश शर्मा पनि अस्पताल पुगेर सांसद भण्डारीको स्वास्थ्य अवस्थाबारे जानकारी लिएका थिए।
सांसद भण्डारीलाई थप उपचारका लागि भारतको मुम्बईस्थित नेशनल बर्न्स सेन्टरमा लैजाने तयारी भइरहेको छ।
गए राति आफ्नै निवास बुद्धनगरमा ग्यास सिलिण्डर बिस्फोट हुँदा सांसद चन्द्र र उनकी आमा हरिकला गम्भीर घाइते भएका थिए।
उपचारका क्रममा हरिकलाको भने आज बिहान निधन भएको थियो।
--1715160207.JPG)
