प्रतिनिधि सभाको आजको बैठकमा प्रधानमन्त्री पुष्पकमल दाहाल प्रचण्डले पेश गरेको विश्वासको मतको प्रस्तावमाथि छलफल भइरहेको छ।
दलका नेताहरूले आफ्नो धारणा राखिरहेका छन्।
सोही क्रममा राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले पनि पार्टीका तर्फबाट धारणा राखेका छन्।
लिङ्देनले बोल्दै गर्दा सभामुख देवराज घिमिरेले अभिव्यक्ति छोट्याउन आग्रह गरेका थिए।
त्यसपछि अध्यक्ष लिङ्देनले म अभिव्यक्ति छोट्याउँछु तर अर्को दिनको २ मिनेट समय पेश्की दिन आग्रह गरेका थिए।
‘म छोट्याउँछु। अर्को दिनको २ मिनेट पेश्की लिइराख्नुपर्यो। हामी छिमेकी हौं,’ लिङ्देनले भने। सभामुख घिमिरे र लिङ्देन झापाकै हुन्।
साथै लिङ्देनले बोल्न आफूलाई ७ मिनेट समय दिएकोमा पनि असन्तुष्टि जनाएका थिए।
‘७ मिनेट समय दिँदा चित्त बुझेको थिएन। पहिले राप्रपाबाट १ जना मात्रै सांसद हुँदा पनि ५, ८ मिनेट समय पाउथेँ। अहिले १४ जना भएर आउँदा पनि ७ मिनेट, यो के विधिले निर्धारण भयो?’
राप्रपाले प्रधानमन्त्री पुष्पकमल दाहाल प्रचण्डलाई विश्वासको मत नदिने पनि बताएको छ।
