तनहुँ-१ मा वैशाख १० मा हुन लागेको उपनिर्वाचनका लागि नेकपा (एमाले) का उम्मेदवार सर्वेन्द्र खनालले उम्मेदवारी दर्ता गरेका छन्।
खनालको प्रस्तावकमा भगवती न्यौपाने र समर्थकमा एकबहादुर राना छन्।
नेपाल प्रहरीका पूर्वमहानिरीक्षक खनाल मंसिर ४ मा भएको निर्वाचनमा काठमाडौं- ६ मा पराजित भएका थिए।
उक्त क्षेत्रमा राष्ट्रिय स्वतन्त्र पार्टीका शिशिर खनाल १४ हजार २ सय २१ मत ल्याएर विजयी भएका थिए भने खनालले ८ हजार ९ सय १७ मत ल्याएर पराजित भएका थिए।
