विराटनगर महानगरपालिका-५ बरगाछीस्थित कोसी राजमार्गमा कन्टेनरको ठक्करबाट विराटनगर-१ की ३५ वर्षीया स्वेता सहनीको मृत्यु भएको छ।
बिहीबार राति १० बजे उत्तरबाट दक्षिणतर्फ जाँदै गरेको एनएल ०१ एल ५१३५ नम्बरको भारतीय कन्टेनरले भित्री बाटोबाट निस्किँदै गरेको साइकललाई ठक्कर दिँदा घाइते भएकी साइकलयात्री सहनीको विराट नर्सिङ होम विराटनगरमा उपचारको क्रममा राति साढे १० बजे मृत्यु भएको जिल्ला प्रहरी कार्यालय मोरङले जनाएको छ।
ठक्कर दिने कन्टेनर र गाडी चालक बिहार भागलपुर बस्ने ३३ वर्षीय मोहम्मद सम्सुललाई पक्राउ गरिएको छ।
