फ्रान्सको पेरिस नजिकैको एक रेष्टुरेन्टमा खाना समयमा नदिएपछि एक ग्राहकले वेटरको गोली हानी हत्या गरेका छन्।
शुक्रबार साँझ आफ्नो स्याण्डबिच मागेका ग्राहकले समयमा नपाएपछि वेटरको हत्या गरेका हुन्।
प्रहरीले घटना पश्चात अनुसन्धान सुरू गरिसकेको र अभियुक्त फरार रहेको बिबिसिले जनाएको छ।
काँधमा गोली लागेका २८ वर्षे वेटरको घटनास्थलमै मृत्यु भएको हो।
उनलाई एम्बुलेन्समा राखेर आकस्मिक उपचार गरिएता पनि स्वास्थ्यकर्मीहरूले बचाउन भने सफल भएनन्।
ग्राहकले पिज्जा र स्याण्डबिचको पर्खाइमा रिसाइसकेका मृतकका सहकर्मीहरूले प्रहरीलाई जानकारी दिए।
उक्त रेष्टुरेन्ट केही महिना अघि मात्रै खेलिएको थियो र यस घटनाले सबैलाई अच्चमित पारेको स्थानीयले फ्रेन्च सञ्चार माध्यमलाई बताएको बिबिसिले उद्धृत गरेको छ।