नेपाल प्रहरीले कलङ्कीको नारायणी गेस्ट हाउसको तेस्रो तलाबाट विवेक सोनाम सुनारलाई फाल्ने तीनजनालाई पक्राउ गरेको छ ।
महानगरीय प्रहरी परिसर काठमाडौँको टोलीले उनीहरूलाई मंगलबार पक्राउ गरेको हो।
पक्राउ पर्नेमा मकवानपुरका वाइबा लामा, गुल्मीका सविन अर्याल र रामेछापका निशान धमला रहेका छन्। उनीहरूले सोमबार राति अर्डर गरेको खाना पुर्याउन गएका सो गेस्ट हाउसका कर्मचारी सुनारसँग खानाको विषयमा विवाद भएपछि गेस्ट हाउसको तेश्रो तलाबाट तल फालिदिएका थिए।
परिसरका प्रवक्ता होविन्द्र बोगटीले खानाको विषयमा लिएर झगडा गर्दा सुनारलाई फालेर फरार रहेका पाँचमध्ये तीन जनालाई पक्राउ गरिएको जानकारी दिए ।
फरार दुई जनाको खोजी भइरहेको बोगटीले बताए ।
गम्भीर घाइते सुनारको उपचारका लागि शहीद मेमोरियल अस्पतालमा लगिएकोमा त्यहाँ उपचार हुन नसकेपछि ग्राण्डी अन्तर्राष्ट्रिय अस्पताल पठाइएको प्रहरीले जनाएको छ ।
(रासस)