धनुषामा विद्यालयको कक्षाकोठाको पर्खाल भत्किँदा एक छात्राको मृत्यु भएको छ। घटनामा अर्का एक छात्र गम्भीर घाइते भएका छन्।
धनुषाको जनकनन्दिनी गाउँपालिका वडा नम्बर ४ मा बिहीबार केएसएचबी उच्च माध्यमिकको बालकक्षामा पढाइ भइरहेको बेला अचानक पर्खाल भत्किँदा सात वर्षीया चंचला सादाको मृत्यु भएको हो। घटनामा मोहम्मद समीर साफी गम्भीर घाइते भएका हुन्।
पर्खाल ढल्दा गम्भीर घाइते भएकी चंचलालाई उपचारका लागि जनकपुर अञ्चल अस्पताल ल्याइए पनि चिकित्सकले उनलाई मृत घोषणा गरेका थिए।
घटनामा गम्भीर भएका मोहम्मद समीर साफीलाई थप उपचारका लागि विराटनगर पठाइएको धनुषाका प्रहरी उपरीक्षक शेखर खनालले बताए।
साफीको टाउकोमा गहिरो चोट लागेको छ।
