कोरोनाभाइरस परीक्षणमा बुधबारसम्म १ हजार १४० जनाको नतिजा नेगेटिभ आएको छ।
बुधबारसम्म राष्ट्रिय प्रयोगशालाबाट गरिएका १ हजार १४५ परीक्षणमध्ये १ हजार १४० को रिपोर्ट नेगेटिभ पाइएको हो।
हिजोआज नयाँ कुनै संक्रमित बिरामी भने फेला परेका छैनन्। स्वास्थ्य मन्त्रालयका अनुसार हालसम्म पाँच जनामा कोरोनाभाइरसको संक्रमण देखिएको छ। त्यस मध्ये चार जना आइसोलेसनमा छन् भने एक जना उपचार पछि घर फर्किसकेका छन्।
विश्वभर अहिले ७ लाख भन्दा बढी संक्रमित रहेका छन्। त्यस्तै एक लाख बढी उपचारपछि घर फर्किसकेका छन्।
