ल्याटिनी अमेरिकी देश ब्राजिल अमेरिका पछि सबैभन्दा धेरै कोरोना भाइरस संक्रमित भएको मुलुक बनेको छ।
जोन्स हप्किन्स विश्वविद्यालयका अनुसार शुक्रबार सम्म त्यहाँ कुल संक्रमित संख्या ४ लाख ६५ हजार १ सय ६६ पुगेको छ।
पछिल्लो २४ घण्टामा मात्रै त्यहाँ २६ हजार ९ सय २८ जना नयाँ कोरोना संक्रमित फेला परेका छन्।
ब्राजिलका स्वास्थ मन्त्रालयका अनुसार शुक्रबारसम्म त्यहाँ मृत्यु हुने संख्या २७ हजार ८ सय ७८ पुगेको छ।
यी मध्ये १ हजार १ सय २४ जनाको मृत्यु पछिल्लो २४ घण्टामा भएको हो।
योसँगै संक्रमणका कारण धेरै नागरिक मृत्यु हुने देशमा ब्राजिल पाँचौ भएको छ।
