सोह्रखुट्टेमा युवतीमाथि दुर्व्यवहार गर्ने चिनियाँलाई सात दिन हिरासतमा राख्न जिल्ला प्रशासन काठमाडौंले अनुमति दिएको छ।
आइतबार एक चिनियाँमाथि अभद्र व्यवहारको मुद्दा दायर गरिएको महानगरीय प्रहरी वृत्त लैनचौरका डिएसपी दिपक खड्काले जानकारी दिए। साथै जिल्ला प्रशासन कार्यालयले सात दिनको म्याद थप गरेको छ।
शनिबार साँझ क्षेत्रपाटी चोकमा नेपाली युवतीमाथि चिनियाँले दुर्व्यवहार गरेपछि स्थानीयले कुटपिट गरी प्रहरीसमक्ष बुझाएका थिए।
‘दुई चिनियाँमध्ये एक जनाको गल्ती नभएको कारण मुद्दा चलेन’ उनले भने, ‘आज प्रशासनबाट सात दिन हिरासतमा राखि अनुसन्धान गर्न अनुमति लिएका छौं।’
‘क्षेत्रपाटी चोकमा एक चिनियाँले युवतीलाई देखेपछि कफी खान जाम भनेर प्रस्ताव गरेछन्। तर युवती अगाडि हिँड्दा पनि पछिपछि लागेको स्थानीयले देखेपछि कुटेछन्’ डिएसपी खड्काले भने
पीडित पक्षले शनिबार नै उजुरी दर्ता गर्न माग राखे पनि साँझ भएकोले आइतबार बिहान दर्ता भएको थियो।