निषेधाज्ञाबीच रातो मच्छिन्द्रनाथको रथ तान्न खोजेपछि गत बिहीबार ललितपुरको पाटनमा स्थानीय र प्रहरीबीच झडप भएको थियो। सो क्रममा केही युवाले ट्राफिक प्रहरीलाई निर्मम कुटपिट गरेका थिए। उक्त कुटपिटमा संलग्नलाई प्रहरीले पक्राउ गरेको छ।
पक्राउ परेका उनीहरूको रिहाइको माग गर्दै मंगलबार कीर्तिपुरमा प्रदर्शन गरिएको छ।
'जात्रा हाम्रो पहिचान हो, नेवा एकता जिन्दावाद' लगायत नारा लेखिएका प्लेकार्ड बोकेर युवाहरूले कीर्तिपुरमा प्रदर्शन गरेका हुन्। सुरूमा पांगा दोबाटोमा प्रदर्शनमा बसेका उनीहरूलाई प्रहरीले हटाएको थियो त्यसपछि उनीहरू लोकतान्त्रिक चोक पुगेका थिए। त्यहाँबाट पनि प्रहरीले हटाएपछि उनीहरू बाघ भैरव परिसर र इन्द्रायणी मन्दिर परिसर गएका थिए।
पाटन घटनामा पक्राउ परेका केहीमा कोरोना संक्रमण पुष्टि भएपछि रिहा गरिएको छ भने केही अझै प्रहरी हिरासतमै छन्।