धरान-२ की ३८ वर्षीया महिलाको कोरोना संक्रमणका कारण मृत्यु भएको छ।
धरानस्थित बीपी कोइराला स्वास्थ्य विज्ञान प्रतिष्ठानमा उपचाररत् उनको सोमबार बिहान पौने ६ बजे मृत्यु भएको हो।
प्रतिष्ठानका प्रवक्ता डा. निदेश सापकोटाका अनुसार उनी आइतबार राति ११:५० मा भर्ना भएकी थिइन्।
ज्वरो, खोकी, श्वासप्रश्वासमा समस्या र निमोनियाको लक्षणका कारण उनी भर्ना भएकी थिइन्।
उनको स्वाब संकलन गर्दा कोरोना संक्रमण पुष्टि भएको थियो।
उनी कुनै पनि रोगबाट पीडित थिइनन्। तर, इमरजेन्सीमा भर्ना हुँदा उनको शरीरमा अत्यधिक मात्रामा रगतमा सुगरको मात्रा देखिएको थियो।
