प्रदेश २ मा मंगलबार थप ५ सय ८६ जनामा कोरोना संक्रमण पुष्टि भएको छ।
प्रदेश दुईका विभिन्न प्रयोगशालामा गरिएको पिसिआर परीक्षणमा १ सय ९४ महिला र ३ सय ९२ जना पुरुषमा कोरोना संक्रमण पुष्टि भएको स्वास्थ्य निर्देशनालय प्रदेश २ का वरिष्ठ चिकित्सक डा. कमलेशप्रसाद यादवले जानकारी दिए।
मंगलबार धनुषामा सबैभन्दा बढी १ सय ६४ जनामा कोरोना संक्रमण पुष्टि भएको छ। त्यस्तै, पर्सामा १ सय १४, महोत्तरीमा १००, बारामा ९०, रौतहटमा ५१, सप्तरीमा ४५, सर्लाहीमा ११, सिरहामा १ र अन्य प्रदेशका १० जनामा कोरोना संक्रमण पुष्टि भएको छ।
प्रदेश २ मा सक्रिय संक्रमितको संख्या ६ हजार ७ सय ९० पुगेको छ भने कुल संक्रमितको संख्या २४ हजार २ सय ४१ पुगेको स्वास्थ्य निर्देशनालयले जनाएको छ।
त्यस्तै, पछिल्लो २४ घण्टामा प्रदेशमा ७ जना कोरोना संक्रमितको मृत्यु भएको छ। यससँगै कोरोनाबाट मृत्यु हुनेको संख्या २ सय ६७ पुगेको छ।
त्यस्तै, गत २४ घण्टामा प्रदेशभरबाट ५३ जना कोरोना संक्रमण बाट मुक्त भएका छन्। बारामा २३, धनुषामा २२ र सिरहामा ८ जना कोरोना संक्रमित निको भएको स्वास्थ्य निर्देशनालयले जनाएको छ।