कैलालीमा मोटरसाइकल दुर्घटना हुँदा दुई जनाको मृत्यु भएको छ।
मोटरसाइकल चालक टीकापुर १ का १८ वर्षीय सुन्दर मगर र पछाडी सवार सोही ठाउँका १८ वर्षीय केशव मगरको मृत्यु भएको हो।
शनिबार टीकापुर नगरपालिका २ विकास टोलमा उनीहरु सवार से ६ प १९३१ नम्बरको मोटरसाइकल दुर्घटना भएको थियो। उक्त मोटरसाइकलमा तीन जना सवार थिए।
टीकापुरकै १९ वर्षीय आशिष मगर घाइते छन्। सुरुमा घाइते तीनै जनालाई टीकापुर अस्पतालमा सामान्य उपचारपछि कोहलपुर मेडिकल कलेज रिफर गरिएको थियो।
तीनमध्ये दुई जनाको उपचारका क्रममा: मृत्यु भएको प्रहरीले जनाएको छ। घाइते आशिषको भने उपचार जारी छ। तीन जना सवार उक्त मोटरसाइकल अनियन्त्रित भई दुर्घटना भएको प्रहरीको अनुसन्धानले जनाएको छ।