ललितपुर महानगरपालिकामा आजबाट ५ वर्षदेखि ११ वर्षसम्मका बालबालिकालाई कोरोनाविरुद्धको खोप लगाइँदैछ।
भोलि शनिबार भने खोप दिइने छैन। भोलि बाहेक १५ गतेसम्म विद्यालय वा वडामा रहेको स्वास्थ्य संस्थामा बिहान ११ बजेदेखि दिउँसो ४ बजेसम्म खोप लगाउन पाइने महानगरपालिकाले जानकारी दिएको छ।
आज वडा नम्बर १, २ र ३ का बालबालिकालाई खोप दिइने कार्यक्रम रहेको महानगरपालिकाले जनाएको छ।
यस्तै, आइतबार वडा नम्बर ४, ५, ६ र ७ मा, सोमबार वडा नम्बर ८, ९, १०, ११, १२, १३ र १४ मा खोप कार्यक्रम सञ्चालन हुनेछ।
यस्तै, १४ गते मंगलबार वडा नम्बर १५, १६, १७, १८, १९, २०, २१ मा तथा असार १५ गते वडा नम्बर २२, २३, २४, २५, २६, २७, २८ र २९ वडामा खोप कार्यक्रम सञ्चालन हुने महानगरपालिकाले जनाएको छ ।