नक्कली भुटानी शरणार्थी बनाएर अमेरिका पठाउने भन्दै ठगी गरेको आरोपमा एक जना पक्राउ परेका छन्।
काठमाडौं उपत्यका अपराध अनुसन्धान कार्यालयले यस घटनामा संलग्न थप एक जनालाई पक्राउ गरेको एसपी सोमेन्द्रसिंह राठौरले जानकारी दिए।
मोरङ पत्थरीशनिश्चरे नगरपालिका-१० बस्ने ४४ वर्षीय सागर राईलाई पक्राउ गरेको हो। उनलाई बुधबार पक्राउ गरेको हो। यसअघि केशव दुलाल र सानु भण्डारीलाई प्रहरीले पक्राउ गरिसकेको छ।
एसपी राठौरका अनुसार उनीहरूले विभिन्न प्रलोभन देखाएर र विश्वासमा पारेर ५० जनाभन्दा बढीबाट ३ करोड २४ लाख रुपैयाँ ठगी गरेको आरोप छ।
ठगी कसूरमा राईलाई बालकुमारीबाट पक्राउ गरेको हो। थप अनुसन्धान गर्न जिल्ला प्रहरी परिसर टेकु काठमाडौंमा पठाएको छ।