किङ्स इलेभेन पंजाबलाई ८ विकेटले हराउँदै रोयल च्यालेन्जर्स बेङ्लोरले जारी आईपिएलमा आफ्नो लगातार हारको श्रृखंला तोडेको छ।
जितका लागि विराट कोहली र एबी डिविलियर्सले अर्धशतकिय योगदान दिए।
यसक्रममा कोहलीले ५३ बलमा ६७ रन जोडे भने डिविलियर्सले ३८ बलमा ५९ रन बनाए। यी दुबैले दोश्रो विकेटका लागि ८५ रनको साझेदारी गरे। यस्तै मार्कस स्टोइनिसले अन्तिम १६ बलमा नटआउट खेल्दै बेङ्लोरलाई १९.२ ओभरमा जित दिलाए।
पहिले ब्याटिङ गरेको पंजाबले ४ विकेटको क्षतिमा १७३ रनको बनाएको थियो।
हिजोको खेलमा क्रिस गेल मात्र १ रनले शतकबाट चुके। उनले ६४ बलमा नटआउट ९९ रन बनाए। यसक्रममा उनले १० चौका र ५ छक्का प्रहार गरेका थिए। उनका अलावा पंजाबका कुनै पनि खेलाडी २० सम्म पुग्न सकेनन्।
पंजाबको यो ८ म्याच खेलिसक्दा चौथो हार हो भने बेङ्लोरको सात खेलमा पहिलो जित हो।
जवाफी ब्याटिङका लागि आएको बेङ्लोरका लागि पार्थिव पटेलले ९ बलमा १९ रन जोडेका थिए।
पंजाब लागि मोहम्मद सामी र रविचन्द्र आश्विनले समान १ विकेट लिए भने बेङ्लोरका लागि युजवेन्द्र चाहलले २,मोईन अली र मोहम्मद सिराजले समान १ विकेट लिएका थिए।