श्रेयस अय्यरको नटआउट ५४ र शिखर धवनको ५६ रनको उत्कृष्ट ब्याटिङमा दिल्ली क्यापिटल्सले शनिबार सम्पन्न आईपिएलमा किङ्स इलेभेन पंजाबलाई ५ विकेटले पराजित गरेको छ।
जितसँगै १२ अंक बटुलेको दिल्ली अंकतालिकाको तेश्रो स्थानमा पुगेको छ। ऊ भन्दा माथि दोश्रो स्थानमा समान खेल जितेको मुम्बई रनरेटका आधारमा दोश्रो स्थानमा रहेको छ भने पहिलोमा चेन्नई रहेको छ।
हिजोको खेलमा पहिले ब्याटिङ् गरेको पंजाबले १६४ रनको लक्ष्य दिएको थियो, जसलाई दिल्लीले १९.४ ओभरमा पूरा गर्यो। लक्ष्य पछ्याउन आएको दिल्लीले पंजाबजस्तै खराब सुरूवात गर्यो तर पावर प्लेमा गतिवानरूपमा रन बनायो। पृथ्वी शा १३ रन बनाउँदै आउट भए।
शापछि ब्याटिङमा आएका शिखर धवनले कप्तान श्रेयश अय्यरसँग मिलेर पहिलो ६ ओभरमा टोलीका लागि ६० रन जोडे। धवनले १२ औं ओभरमा आफ्नो अर्धशतक बनाए। धवन १४ औं ओभरमा अश्विनको हातबाट क्याच आउट भए। धवनले ४१ बलमा ५६ रन बनाए।
विकेटकिपर तथा ब्याट्सम्यान ऋषभ पन्तले हिजो खासै कमाल देखाउन सकेनन्। उनी ६ रन बनाउँदा विजोएनबाट आउट भए।
त्यसपछि कोलिन इन्ग्रामसँग मिलेर अय्यरले आफ्नो १२ औं अर्धशतक बनाए। इन्ग्रामले १९ रन जोडे। उनलाई शमीले आउट गरे। त्यस्तै अक्षर पटेल मात्र १ रन बनाउँदा आउट भए। उनी आउट भएसँगै दिल्ली केहि दबाबमा पर्यो।
अन्तिम ओभरमा दिल्लीलाई जितका लागि ६ रन आवश्यक थियो। सो आवश्यक रन उसले २ बल बाँकी छँदै हासिल गर्यो र म्याच आफ्नो पक्षमा पार्यो।
पन्जावका लागि हार्डस विलोजेनले २ र मोहम्मद शामीले १ विकेट लिए ।
यसअघि टस हारेर ब्याटिङ गरेको पंजाबले पनि राम्रो सुरूवात गर्न सकेन। लोकश राहुललाई १२ रनमा सन्दिप लामिछानेले आउट गरिदिए। पावर प्लेमा मयंक २ रन बनाउँदा आउट भए। क्रिस गेलले दिल्ली बलरहरूसँग खुलेर खेले। उनी मैदानमा डटिरहँदा मंयकलाई कगिसो रबाडाले शेरफेन रदरफोर्डको हातबाट क्याचआउट गराए भने डिबिड मिलरलाई ७ रनको स्कोरमा अक्षर पटेलले पेभेलियनको बाटो देखाए।
त्यसपछि मंदिपसँग मिलेर गेलले पंजाबको पारीलाई अगाडी बढाए। यस्तैमा १३औं ओभरमा सन्दिप लामिछानेले आउट गरिदिए। सैम कुरेनलाई पनि सन्दिपले नै आउट गरिदिए।
मंदिपले रविचन्द्रनसँग पारीलाई अगाडी प्रयास गरे तर उनीहरूले २३ रनको मात्र साझेदारी गर्न सके। पटेलको ३० रनको नीजि स्कोर हुँदा मंदिप पनि पेभेलियन फर्किए।
हरप्रीत बराड र हरङस विजोएन २० र २ रनमा नटआउट रहे। दिल्लीका लागि सन्दिपले ३ तथा रबाडा र पटेलले समान २-२ विकेट लिए।
