इन्डियन प्रिमियर लिग (आईपीएल) मा दिल्ली क्यापिटल्सले दिएको १८८ रनको लक्ष्य पछ्याइरहेको रोयल च्यालेन्जर्स बैंगलोरले विस्फोटक सुरूवात गरेको छ। पहिलो पावरप्लेमा बैंलोरले १ विकेट गुमाएर ६३ रन जोडेको छ।
बैंलोरका लागि पार्थिव पटेलले ३९ रन बनाएर आउट भए। कागिसो राबडाले पहिलो विकेटका रूपमा पटेललाई अक्सर पटेलको हातबाट क्याच आउट गराए।
नेपाली क्रिकेटर सन्दीप लामिछानेले तेस्रो ओभरमा आफ्नो पहिलो ओभर बलिङ गर्दा बिना विकेट १५ रन खर्चिए।
सन्दीपको बलमा आरसीबीका ओपनर ब्याट्सम्यान पार्थिव पट्टेलले तीन चौका प्रहार गरेका थिए। उनले तीन चौकासँगै सन्दीपको बलमा १४ रन बनाए। आरसीबीका कप्तान विराट कोहलीले सन्दीपको बलमा एक रन जोड्न भ्याए।
यस्तै दोस्रो ओभरमा सन्दीपले विना विकेट क्षति ११ रन खर्चिए। उनको बलमा एबिडिभिलियर्सले ३ रन लिए भने शिवम् दुबेले १ छक्कासहित ९ रन लिए।
यसअघि टस जितेर पहिलो ब्याटिङ रोजेको दिल्लीले शिखर धवन र श्रेयश अयरले अर्धशतकीय इनिङ्सको सहयोगमा १८७ रन बनाएको थियो
३७ बल खेल्दै धवनले ५० रन बनाए भने अयरले ३७ बलमा ५२ रन जोडे। अन्य ब्याट्सम्यानले मध्यम स्तरको ब्याटिङ गरे। दिल्लीले पूरै २० ओभर खेल्दै पाँच विकेटको क्षतिमा १८७ रन बनाएको हो।
दिल्लीले राम्रो स्कोर बनाउन अन्तिम दुई ओभरमा ३६ रन जोड्यो। दिल्ली ११ खेलबाट १४ अंकसहित शीर्ष तेस्रो स्थानमा छ। शीर्षस्थानमा रहेको चेन्नई सुपर किङ्सको १२ खेलबाट १६ अंक जोडेको छ भने मुम्बई इन्डियन्सको ११ खेलबाट १४ अंक जोडेको छ।
