वार्मअप खेलमा अस्ट्रेलियाले आयोजक इङ्ल्याण्डलाई १२ रनले पराजित गरेको छ। अस्ट्रेलियाको जितमा स्टीवन स्मिथले १०२ बलमा ११६ रनको पारी खेले।
पहिले ब्याटिङ गरेको अस्ट्रेलियाले ९ विकेटको नोक्सानीमा २९७ रनको योगफल खडा गरेको थियो। सो योगफल खडा गर्ने क्रममा अस्ट्रेलियाका लागि डेविड वार्नरले ४३ रनको पारी खेल्दा उस्मान ख्वाजाले ३१ रन जोडे भने शान मार्स तथा एलेक्स कैरीले समान ३०-३० रनको योगदान दिए।
यसक्रममा इङ्ल्याण्डका लागि लियाम प्लंकेटले सर्वाधिक ४ विकेट लिए।
त्यसपछि २९८ रनको लक्ष्य पछ्याउन आएको इङ्ल्याण्डले ४९.३ ओभरमा २८५ रन जोडेर अलआउट भयो। उसका लागि जेम्स विङ्सले६४ तथा जोस बटलरले ५२ रन जोडे। यसैगरी क्रिस वोक्सले ४० तथा जेसन रोयले ३२ रनको योगदान दिदां मोइन अलि २२ तथा बेन स्टोक्स २० रन बनाएर आउट भए।
यसक्रममा अस्ट्रेलियाका लागि जेसन बेहरनडार्फ र केन बेहरनड्राफले २-२ विकेट लिए।
