जारी विश्वकपमा निरन्तर खराब प्रदर्शन गरिरहेको दक्षिण अफ्रिकाले जितको खडेरीको अन्त्य गरेको छ।
शनिबार कार्डिफमा भएको खेलमा अफगानिस्तानलाई ९ विकेटले पराजित गर्दै दक्षिण अफ्रिकाले जारी विश्वकपमा पहिलो जित दर्ता गरेको हो।
५ खेलमा ३ मा हार तथा एक खेलमा अंक बाँडेको दक्षिण अफ्रिकाले अफगानिस्तानलाई हराएसँगै अंकतालिकामा ३ अंक जोडेको छ। जितसँगै उ अंकतालिकाको ७ औं स्थानामा पुगेको छ।
हिजो भएको खेलमा पहिले ब्याटिङ गरेको अफगानिस्तानले खराब प्रदर्शन गर्यो। ३४.१ ओभरमा अलआउट हुँदै उसले केवल १२५ रनमात्र जोड्न सक्यो।
वर्षाका कारण खेल ४८ ओभरमा झारिएको थियो। ओभर घटाइएका कारण दक्षिण अफ्रिकाले १२७ रनको लक्ष्य पाएको थियो।
त्यसपछि १२७ रनको लक्ष्य पछ्याउन आएको दक्षिण अफ्रिकाले मात्र १ विकेटको क्षतिमा २८.१ ओभरमा लक्ष्य पूरा गर्यो।
दक्षिण अफ्रिकाको जितमा क्विटंन डिककले सर्वाधिक ६८ रन जोडे भने हसन अम्लाले नटआउट ४१ रनको योगदान दिए। यस्तै एण्डीले फेहलुकवायोले पनि अविजित १७ रन बनाए।
त्यसअघि पहिले ब्याटिङ् गरेको अफगानिस्तानका लागि ओपनर हज्रतुल्लाह जजईले २२ तथा नुर अलि जद्रानले ३२ रन जोडे।
उनीहरू पेभेलियन फर्किएपछि अफगानिस्तानको विकेट नराम्ररी धर्मरायो र ७७ रन जोड्दा उसले ७ विकेट गुमायो। त्यसपछि राशीद खानले ३५ रन जोड्दै अफगानिस्तानलाई २य रनको पार पुर्याए।
दक्षिण अफ्रिकाका लागि इमरान ताहिरले सर्वाधिक ४ विकेट लिए।
