आइसिसी क्रिकेट विश्वकप २०१९ का लागि अफगानिस्तान टिममा बलर अफ्ताफ अलामको स्थानमा साइद अहमेद शिरजाडलाई राखिएको छ।
आइसिसीले विशेष परिस्थिति भन्दै अफ्ताफको स्थानमा शिरजाडलाई टिममा राखिएको जनाएको छ।
यता अफगानिस्तान क्रिकेट बोर्डले ‘आइसिसीको आचार संहिता विपरित काम’ गरेको भन्दै अफ्ताफलाई स्वदेश फर्काइएको जनाएको छ।
दायाँ हाते मध्यम गतिका बलर अफ्ताफले अफगानिस्तानका लगि जारी विश्वकपमा ३ खेल खेलेका थिए। उनले न्युजिल्यान्डविरुद्ध ३ विकेट र भारतविरुद्ध १ विकेट हात पारेका थिए।
बीचैमा स्वदेश फर्काइएका अफ्ताफको भविष्य पनि संकटमा पर्ने देखिएको छ। ‘मैदानमा गरेको अभद्र व्यवाहारका कारण उनलाई विश्वकप टिमबाट हइटाएको हो। यस विषयमा अनुसन्धान भइरहेको छ,’ अफगानिस्तान क्रिकेट बोर्डले भनेको छ।
जारी विश्वकपमा अफगानिस्तान अंक तालिकाको पुछारमा छ। खेलेका सबै सात खेल हारेको अफगानिस्तानले शनिबार पाकिस्तानसँग खेल्दैछ। अन्तिम खेलमा अफगानिस्ताले वेस्ट इन्डिजको सामना गर्नेछ।