इंग्ल्यान्डविरुद्धको टेस्ट जित्ने सुनौलो अवसर आयरल्यान्डले गुमाएको छ।
लर्डसमा भएको एकमात्र टेस्टमा १८२ रनको लक्ष्य पछ्याएको आयरल्यान्ड दोस्रो इनिङमा केवल ३८ रनमा अलआउट भएपछि इंग्ल्यान्ड १४३ रनले विजयी भयो।
यो स्कोर टेस्ट खेलमा सातौं कम योगफल हो। सबैभन्दा कम योगफल न्युजिल्यान्डले इंग्ल्यान्डविरुद्ध १९५५ मा बनाएको २६ रन हो।
एकदिवसीय विश्वकपको फाइनलमा न्युजिल्यान्डलाई हराएर उपाधि जितेको १२ दिनपछि इंग्ल्यान्डले लर्ड्स मैदानमै टेस्ट जितेको हो।
दोस्रो इनिङमा आयरल्यान्डका जेम्स म्याकुलमले सबैभन्दा बढी ११ रन जोडे। अन्य ब्याट्सम्यान दोहोरो अंकमा रन जोड्न नपाइ आउट भए।
आयरल्यान्डको इनिङ ध्वस्त पार्ने क्रममा इंग्ल्यान्डका क्रिस ओएक्सले ६ विकेट लिए। उनले ७.४ ओभरमा २ मेडन राख्दा १७ रन दिए। स्टुवार्ड बोर्डले ४ विकेट हात पारे।
इंग्ल्यान्डले दोस्रो इनिङमा ३०३ रन जोडेको थियो। पहिलो इनिङमा खराब ब्याटिङ गरेको इंग्ल्यान्ड ८५ रनमै अलआउट भएको थियो भने आयरल्यान्डले २०७ रन बटुलेको थियो।