आइसिसी टी-२० क्रिकेट विश्वकप एसिया छनोट प्रतियोगिताको महत्वपूर्ण खेलमा आयोजक सिंगापुरसँग पराजित भएपछि नेपालको विश्व छनोटमा पुग्ने सपना पूरा हुन सकेन।
आइतबार भएको खेलमा सिंगापुरले नेपाललाई ८२ रनले पराजित गर्यो।
हारसँगै नेपाल रनरेटका कारण तेस्रो स्थानमा धकेलियो। नेपाललाई रनरेटमा पछि पारेर कतार दोस्रो स्थानमा रहन सफल भयो।
अंक तालिका
यद्यपी आयोजकले भने सुरुमा नेपाललाई दोस्रो स्थानको मेडल प्रदान गरेको थियो।
नेपालका सबै खेलाडीले पालैपालो लाइनमा बसेर मेडल लगाएका थिए।
तर आयोजकले गल्ती भएको बताएपछि नेपालले मेडल फिर्ता गरेको थियो।
नेपालका व्यवस्थापक रमन शिवाकोटीले सबैको मेडल बटुलेर आयोजकलाई फिर्ता गरेका थिए।
त्यसपछि कतारका खेलाडीलाई मेडल दिइएएको थियो।
