वेस्ट इण्डिज विरूद्धको दोश्रो खेलमा रोहित शर्माले आफ्नो १७ औं अर्धशतक पूरा गर्दै भारतको जितमा ६७ रनको महत्वपूर्ण योगदान दिए।
यो योगदानसँगै उनले ३ विश्व रेकर्ड आफ्नो नाममा गराएका छन्। रोहितको नाममा टि-२० क्रिकेटमा सर्वाधिक रन बनाएको कीर्तिमान छ । हिजोको खेलपछि यस प्रारूपको क्रिकेटमा सर्वाधिक छक्का प्रहार गर्ने खेलाडी भएका छन्।
हिजको खेलबाट टि-२० मा उनको छक्का संख्या १०७ पुग्यो। यसअघि यो कीर्तिमान क्रिस गेलको नाममा थियो। गेलले ५८ खेलबाट १०५ छक्का प्रहार गरेको रेकर्ड बनाएका थिए। रोहितले ९६ खेलबाट १०७ छक्का बनाएका हुन्।
सर्वाधिक छक्कासँगै उनले यस खेलमा ४० बलमा अर्धशतक प्रहार गरे, यो उनको टि-२० क्रिकेटमा १७ औं अर्धशतक हो। उनले ४ शतक पनि बनाएका छन्।
यसका साथै उनी ५० भन्दा बढि रनको पारी खेल्ने मामिलामा विराट कोहली भन्दा अगाडि निकिलिएका छन्। रोहितले २१ पटक ५० भन्दा बढि रनको पारी खेलेका छन्। विराटले २० पटक यस्तो गरेका छन्।
यसैगरी टि-२० क्रिकेटमा सर्वाधिक स्कोर बनाउने मामिलामा अगाडि रहेका रोहितले यस खेलबाट आफ्नो रनस्कोरलाई २४०० भन्दा बढि बनाएका छन्। उनी यो आँकडा छुने पहिलो ब्याटस्म्यान हुन्। उनले ९६ खेलमा ८८ पारी खेल्दै ३२.७२ को औषतले २४ सय २२ रन बनाएका छन्।
