भारतले ३ खेलको टि-२० वेस्ट इण्डिज सिरिज क्लीन स्वीप गरेको छ। मंगलबार भएको तेश्रो खेलमा वेस्ट इण्डिजलाई ७ विकेटले पराजित गरेपछि भारतले सिरिज ३-० ले क्लीन स्वीप गरेको हो।
वेस्ट इण्डिजले भारतलाई ६ विकेटको नोक्सानीमा १४७ रनको लक्ष्य दिएको थियो।
दिपक चहरले मात्र १३ रनभित्र वेस्ट इण्डिजका सुरूवाती ३ ब्याटसम्यानहरूलाई पेभेलियन फर्काउँदै भारतलाई गतिलो सुरूवात दिलाएका थिए। लगालग विकेट गुमाएर धर्मराएको वेस्ट इण्डिजलाई कीरोन पोलार्डले अर्धशतकीय पारी खेल्दै सम्हालेका थिए।
यसक्रममा उनले सात वर्षमा पहिलोपटक अर्धशतक बनाए। उनी ५८ रनको व्यक्तिगत स्कोरमा नवदीप सैनीबाट आउट भए।
त्यस्तै वेस्ट इण्डिजका लागि निकोलस पुरनले १७ रनको योगदान दिदां तथा रोभम्यान पवेलले नटआउट ३२ रन बनाए।
भारतका लागि दीपक चहरले चार विकेट लिए भने नवदीप सैनीले २ विकेट लिए। दिपक चहरले पनि १ विकेट लिएका थिए।
त्यसैगरी १४७ रनको लक्ष्य भेट्टाउन आएको भारतले सो लक्ष्य १९ .१ ओभरमा पूरा गरेको थियो।
भारतको यस जितमा कप्तान विराट कोहलीले र ऋषभ पन्तले अर्धशतकिय पारी खेले। कोहलीले ५९ रन बनाउँदा पन्तले ६५ रनको पारी खेले।
वेस्ट इण्डिजका लागि ओशाने थोमशले २ विकेट लिए भने फाबियन एलनले १ विकेट लिए।
वेस्ट इण्डिज र भारतबीच बिहिबारबाट वान डे सिरिज सुरू हुँदैछ।