विश्वकप क्रिकेटमा खराब प्रदर्शन गरेको पाकिस्तानले बुधबार राष्ट्रिय क्रिकेट टोलीको मुख्य कोच मिकी आर्थर तथा उनका सहयोगी कर्मचारीको करार नबढाउने फैसला गरेको छ।
पाकिस्तानले ईङ्ल्याण्डमा सम्पन्न विश्वकप क्रिकेटमा आफ्नो स्तरभन्दा कमजोर प्रदर्शन गरेको थियो।
टोली विश्वकपको लिग चरणबाट नै घर फर्किएको छ। लिगको अंकलातिकामा न्युजिल्याण्डसँगै समान ११ अंक भएपनि पाकिस्तान रनरेटका आधारमा विश्वकप दौडबाट बाहिरिएको थियो।
पाकिस्तान क्रिकेट बोर्डले बुधबार आर्थरसहित बलिङ प्रशिक्षक अजहर महमूद, ब्याटिङ कोच ग्रांस्ट फलावर र ट्रेनर ग्रान्ट लुडेनको अनुबन्धन थप नगर्ने फैसला गरेको छ।
नयाँ कोचमा पाकिस्तानका पूर्व कप्तान मिस्बाह उल हकलाई प्रमूख दाबेदार मानिएको छ।
मिस्बाहले पाकिस्तानका लागि ७५ अन्तराष्ट्रिय टेस्ट, १६२ वान डे तथा ३९ टि-२० क्रिकेट खेलेका छन्। पाकिस्तान क्रिकेट बोर्डले पनि उनी सो पदका लागि सहि विकल्प मानेको बताइन्छ।
सन् २०१० मा भएको फिक्सिङ घटनापछि उनले पकिस्तान क्रिकेटको कप्तानीको सम्हालेका थिए।
पाकिस्तान क्रिकेट उनीप्रति सकारात्मक रहेपनि कोडिङ स्टाफका लागि विज्ञापन भने गर्नेछ। उनीभन्दा राम्रो आवेदन परेमा उनलाई बोर्डले ब्याटिङ कोचका रूपमा नियूक्त गर्ने जनाइएको छ।
त्यस्तै पाकिस्तानी क्रिकेट सुत्रका अनुसार पाकिस्तानका पूर्व फास्ट बलर मोहम्मद अकरमलाई बलिङ कोच बनाइने सम्भावना छ।
४४ वर्षिय अकरम हाल पाकिस्तान सुपर लिगको पेशावर जालमीको मूख्य कोच छन्। उनले यो भूमिका सन् २०१२ यता सम्हाल्दै आएका छन्।
