भारतीय युवा क्रिकेटर शुभमन गिलले १७ वर्ष पुरानो रेकर्ड तोडेका छन्। उनले १७ वर्ष अगाडि गौतम गम्भीरले बनाएको कम उमेरमा दोहोरो शतक बनाएको रेकर्ड तोडेका हुन्।
गिलले बिहिबार भारत 'ए'का लागि वेस्ट इण्डिज 'ए' विरूद्धको खेलमा यो रेकर्ड बनाएका हुन्। उनले नटआउट २०४ रन बनाए।
यो रन स्कोरसँगै शुभमन पहिलो श्रेणीको क्रिकेटमा सबैभन्दा कम उमेरमा दोहोरो शतक प्रहार गर्ने भारतीय खेलाडी बनेका छन्।
उनले यो रेकर्ड १९ वर्ष ३३४ दिनको उमेरमा बनाएका हुन्। यसअघि गौतम गम्भीरले सन् २००२ मा जिम्बाब्बेविरूद्ध इण्डिया बोर्ड प्रेजिडेन्टका तर्फबाट खेल्दै दोहोरो शतक बनाएका थिए।
सो रेकर्ड बनाउँदा गम्भिर २० वर्ष १२४ दिनका थिए।
शुभमनले दोहोरो शतक हान्ने क्रममा १९ चौका र २ छक्का प्रहार गरेका थिए। उनी पहिलो पारीमा भने शून्यमा आउट भएका थिए।