भारतीय क्रिकेट कप्तान विराट कोहलीले पाकिस्तानका पूर्व कप्तान जाबेद मियादादले वेस्ट इण्डिजविरूद्ध बनाएको सर्वाधिक रनको कीर्तिमान तोडेका छन्।
मियादादले वेस्ट इण्डिज विरूद्ध १ हजार ९ सय ३० रन प्रहार गरेका थिए। कोहलीले आइतबार १९ रन जोड्ने बित्तिकै यो रेकर्ड आफ्नो नाममा सारे। भारत विजयी भएको यस खेलमा कोहलीले १२० रनको शतकीय पारी खेलेका थिए।
मियादादले ६४ पारी खेल्दै बनाएको रेकर्ड विराट कोहलीले मात्र ३४ पारीबाट आफ्नो पक्षमा पारेका हुन्। यस मामिलामा अस्ट्रेलियाका मार्क वा १ हजार ७ सय ८ रन सहित तेश्रो नम्बरमा छन्।