एसेज सिरिजको तेस्रो टेस्टमा इंग्ल्यान्डले रोमाञ्चक जित हात पारेको छ। घरेलु टिम इंग्ल्यान्डले १ विकेटको रोमाञ्चक जित निकालेको हो।
इंग्ल्यान्डको जितसँगै ५ खेलको सिरिजमा १-१ को बराबरी भएको छ। यसअघि पहिलो टेस्टमा अस्ट्रेलिया विजयी हुँदा दोस्रो टेस्ट बराबरीमा सकिएको थियो।
अस्ट्रेलियाले दिएको ३५९ रनको लक्ष्य इंग्ल्यान्डले ९ विकेटको क्षतिमा पूरा गरेको थियो। इंग्ल्यान्डको जितमा बेन स्टोक्सले नटआउट १३५ रनको योगदान दिए। उनले २१९ बलमा ११ चौका र ८ छक्का हिर्काए।
त्यसअघि अस्ट्रेलियाले दोस्रो इनिङमा २४६ रन जोडेर इंग्ल्यान्डलाई ३५९ रनको लक्ष्य दिएको थियो।
पहिलो इनिङमा अस्ट्रेलिया १७९ रन र इंग्ल्यान्ड ६७ रनमा अलआउट भएका थिए।