अस्ट्रेलियाले पाँचौ पटक आइसिसी महिला टी-२० विश्वकपको उपाधि जितेको छ।
आइतबार मेलवर्नमा भएको विश्वकपको फाइनलमा भारतलाई ८५ रनले पराजित गर्दै अस्ट्रेलिया पाँचौ पटक च्याम्पियन बनेको हो।
अस्ट्रेलियाले दिएको १८५ रनको लक्ष्य पछ्याएको भारतले ५ बल खेल्न बाँकी छदा ९९ रनमै अलआउट भयो।
भारतका लागि दिप्ती शर्माले सबैभन्दा बढी ३३ रन जोडिन्। अन्य खेलाडी सस्तैमा आउट भए।
भारतको इनिङ धरासायी पार्ने क्रममा अस्ट्रेलियाकी मेघन स्कर्टले चार विकेट लिइन् भने जेस जोनासेनले तीन विकेट हात पारिन्।
त्यसअघि अस्ट्रेलियाले २० ओभरमा ४ विकेटको क्षतिमा १८४ रन जोड्यो।
अस्ट्रेलियाका लागि बेथ मुनीले ७८ रन र एसिया हेलीले ७५ रन जोडे। मुनीले ८५ बलमा १० चौका र हेलीले ३९ बलमा ७ चौका र ५ छक्का हिर्काइन्। दुईबीच पहिलो विकेटका लागि ११५ रन जोडेका थिए।
बलिङमा भारतकी दिप्ती शर्माले २ विकेट लिइन्।
यसअघि अस्ट्रेलियाले २०१०, २०१२ र २०१४ को विश्वकप जितेर उपाधिमा ह्याट्रिक गरेको थियो। २०१६ को फाइनल पुग्न नसकेको अस्ट्रेलिया २०१८ मा पनि च्याम्पियन बनेको थियो।
