अन्तर्राष्ट्रिय क्रिकेट काउन्सिल (आइसिसी) को एन्टी करप्सन युनिटले विश्वभरका क्रिकेट खेलाडीहरुलाई सामाजिक सञ्जाल प्रयोग गर्दा सचेत हुन आग्रह गरेको छ।
कोरोनाभाइरसका कारण अधिकांस मुलुक लकडाउनको अवस्थामा छन्। जसका कारण क्रिकेट गतिविधि ठप्प छन्।
क्रिकेट गतिविधि ठप्प भएपछि खेलाडीहरुले अहिले समाजिक सञ्जालमा सक्रिय हुने गरेका छन्।
खेलाडीहरु समाजिक सञ्जालमा सक्रिय भएको अवस्थामा म्याच फिक्सरहरुले सम्पर्क बढाउन सक्ने भएकाले सचेत रहन एन्टी करप्सन युनीटले अनुरोध गरेको हो।
समाजिक सञ्जालमार्फत उनीहरुले दुष्कर्मका लागि खेलाडीलाई सम्पर्क गर्न सक्ने युनिटको दाबी छ।
युनिटले गत अप्रिल १४ मै क्रिकेट बोर्ड, खेलाडी, खेलाडी एजेन्ट र खेलाडीका संघलाई समाजिक सञ्जालमार्फत फिक्सरहरुले सम्पर्क गर्न सक्ने भन्दै अलर्ट गराएको थियो।