स्पालसँग २-१ ले पराजित भएपछि आठौं पटक इटालियन सिरि ए को उपाधि जित्ने युभरेन्टसको सपना अर्को खेलसम्मका लागि रोकिएको छ।
शनिबार राति भएको खेलमा युभेन्टस आफ्नो स्टार खेलाडी क्रिश्चियानो रोनाल्डो बिना मैदानमा उत्रेको थियो।
युभेन्टसलाई उपाधि जित्न केवल १ अंकको आवश्यक्ता रहेको छ जुन उसले हिजोको खेलमा न्यूनतम बराबरी गरेर प्राप्त गर्न सक्थ्यो। अब उसले आगामी शनिबार फ्लोरेन्टिनासँगको म्याचसम्मका लागि कुर्नुपर्न भएको छ। यो कुराइ भने नेपोलीले सेइभोलाई आइतबार खेलमा नहराएमा कायम रहनेछ।
युभेन्टस सन २०११ देखि लगातार सिरी ‘ए’ च्याम्पियन बन्दै आइरहेको छ ।
हिजोको खेलमा पहिलो अग्रता युभेन्टसले पहिलो हाफको ३० औं मिनेटमा गोल गर्दै लिएको थियो। उसका लागि सो गोल मोइस केनले गरेका थिए।
युभेन्टसको अग्रतालाई पहिलो हाफको अतिरिक्त समयमा स्पाल मिनेटमा केभिन भोनीफिजाइले गोल गर्दै बराबरी गरिदिए।
पहिलो हाफ १-१ को बराबरीमा सकिएको खेलमा स्पालले ७४ औं मिनेटमा गोल गर्दै सर्जियो फोलजारीले जित नजिक पुर्याएका थिए। त्यसपछि युभेन्टसले गोल गर्ने प्रयास गरेपनि सकेन र नतिजा स्पाललाई सुम्पन बाध्य भयो।
हिजोको खेलपछि युभेन्टसको ३२ खेलबाट ८४ अंक भएको छ। यस्तै दोश्रो स्थानमा रहेको नेपोलीको घ भन्दा २० अंकले पछि रहेको छ। नेपोलीले ६४ अंक जोडेको छ। यस्तै तेश्रो स्थानको इन्टरमिलानको ५७ अंक रहेको छ।