पेरिस सेन्ट जर्मेन (पिएसजी) १६ महिना पछि पहिलो पटक घरेलु मैदानमा पराजित भएको छ।
फ्रेन्च लिग वान अन्तरगत बुधबार भएको खेलमा पिएसजी रिम्ससँग २-० ले पराजित भएको हो।
हिजोको खेलमा पिएसजीका स्टार स्ट्राइकर नेइमार जुनियर गोलबिहिन बने।
पिएसजीलाई हार चखाउने क्रममा रिम्सले खेलको २९ तथा अतिरिक्त समयको चौथो मिनेटमा गोल गरेको थियो।
रिम्सलाई पहिलो अग्रता साहेन कामाराले दिलाएका थिए।
त्यसपछि पिएसजीलाई २-०ले स्तब्ध पार्ने क्रममा दोश्रो गोल बुलयी डियाले अतिरिक्त समयको चौथो मिनेटमा गरे।
जारी लिगमा पिएसजीको यो दोश्रो हाफ हो। हारपछि सात खेलबाट १५ अंकसहित पिएसजी लिगको शीर्ष स्थानमा कायमै रहेको छ। उसलाई समान अंकसहित एङ्गर्सले पछ्याइरहेको छ।